Shuc cuntur shuc michicmantapish

Shuc cuntur shuc michicmantapish

Shuc cuitsami sahuarina muzucunata charishca nin. Chaimanta shuc punllami ubijacunata michinaman rishca. Chashna michicucpimi, ñapish yurac garúa ricurishpaca jatun tamia tucushca. Chashna jatun larca yacu shamushca. Shinata ricushpaca, chai cuitsaca mana maita chaupi tucushca.

Ñapish yuraclla balun churashca, yuraclla cuncalli cuncallishca ricushca.

- Chaunantaca nishca; imanishpatac huacacunqui.
- Mana chinpanata ushani,
Chashna nícpica muzuca:
- Ñuca chinpachisha nishca.

Chashna nishpa chancata pascashca, chai larcapi shayarishpaca, puntaca ubijacunata; chai quipaca, yuraclla allcuta, huantushpapish yailichishca. Chashna ña tucuita chinpachishca quipaca, quitsata jahuata huantushpa, patac patac nishpa apashpa rishca. Chaica cunturilami cashca. Chai cuitsapac sahuana muzu tucushpa, chai cuitsa michicucman shamushca nin.

Chaunantaca chai yuraclla allcuhuaca huancuta shimipi amullishpa, tucui ubijacunata tantashpa rishca huasiman. Chashna chayamucpica, chai cuitsapac mana-yayaca:
- Maipitac huahuata saquishpa shamunqui nishpa tapushca.

Chai allcuhuaca ricuchishca jahuachallata au, au, au, nishpa, maitami tamia cuichi chincaricushca. Cashnallami cai huillashcaca tucurin.