Shuc jatun runamanta

Shuc jatun runamanta

Shina ñaupa pachapi shuc jatun runa tiyashca. Chai jahua pachamantapish cumurishpallami purirca nin.

Shuc punllami jatun runaca tucuilla cuchacunata ricsinpacac llucshishca; chaica shina tucuilla uchilla cashca paipac ricuipica. Chashna jatun runaca tucuilla cuchacunata ricsishpa, muyushpaca Inpapura cuchupi carca.

Shina samashca quipaca, cutinmi ricsincapac maijan cucha jatun mana jatun cashcata rincuncapac rirca. Chaica Mujanta cuchamanracmi chayashpa chaquita satishpa ricushca, chaica ura chaiquillapimi y acuca shutuyachirca.

Caí cuchaca mana jatunchu cashca nishpa tícramushca Cuicucha nishcaman. Chaiman chayashpapish shinallataemi chaquita satishpa ricushca, chaipish ura chaquicamallami shutuyachishpa llueshishca.

Chaimantaca, San Pablu cuchaman rishca. Chaipica manchai, yaicurca. Shinalllatac mana jutunchu cashca nishpami llucshirca.

Cutin jatun runaca tucui cuchacunata jutun mana cashcata yachashpa puricurca. Paipaccamanca mana juntuchu, achcata asishpa puricurca. Tucuita ricsishpa puricushpallatacmi, Inpapura huashapi uchilla cuchahuan tupashca. Caica Cuntur cucha shutimi cashca. Jatun runaca paipac-camanca mana jatunchu nircami paipac yuyapipica. Paica mana manchashpami chapalpanpa yaicurca.

Chai cuchaca yalli jutunni carca; jatun runacunataca huicsacamami quillpac carca. Chai jatun runa manchachircami, huashicushpara taita Inpapurapimi taunaririca. Shina taunaricpica taita Inpapura rumica utucurircami.

Chaimantami Inpapura jahuapica utcu tiyan, chai ricsinata munashpaca Cajas cuchamanta ricunallami.