Inpapura Cuyanacuimanta

Inpapura Cuyanacuimanta

Inpapura urcuca muzurac chaspaca tucuilla urcuhuanmi apanacushpa causac cashca nin. Chashna ricsishcacunahuanca maitapish puric urcu cashca.

Shina purishpa Impapura urcuca shuc punllapí shuc huarmihuan ricurishca. Chaica Cutacachi shuti urcumí cashca, chai urcuca Impapurapac alli ricsishcami tucushca. Shinami maimanpish ishcandiclla puric cashca.

Shina purinacushpallatac shuc punlla Inpapura urcuca huarmi urcuta nirca:
-"Canta ñuca huarmi tucuchun munani".

Shina nicpí huarmi urcupish nircami:
-"Ñucapish canta ñuca cusa tucuchun manani", shina ninacurca.

Shina nishpa ishquintinllami purinacurca. Caí urcucunaca ishcantinpura ricunacushpa causahca. Inpapura urcuca huarmi urcuta ricunaman ric cashca, ishcantin rasuta aparic carca. Shina ishcantin causacucpica huarmi urcupac cuchupi shuc urcu Uucshirca. Yana urcu shutimi nin. Chai urcuca Impapurapac churimi cashca.

Inpapura urcuca mana maitapish puri ushashpa, ña yuyacyani nispami umata nanachic cashca. Chashna umata nanachicun nishcata huaquinpica yurac puyuhuan pülurishcami tiyanata yachan.

Chasnallami cai huillashcaca.